Minangkabau

Alam raja luak berpenghulu,
Suku bertuo,
Tuo ibu bapak,
Tahu nan kocik kek yang godang,
Yang godang kek yang tuo.

Bak seperti kato-kato:
Selilit pulau porco,
Sebidang alam tanah melayu,
Bertali ke siak,
Berajo ke Minangkabau,
Mako duduklan suku nan duo boleh,
Membilang adat ke pusako,

Semasa datuk lahir bujang,
Nenek laie gadis,
Adat sentiaso dalam negori,
Sebulek kato nenek, mamak sorto anak kemanakan,
Dibuekkan janji er,

Janji dibuek dimuliokan,
Yang disampai yang di topekti,
Laun janji dua kali tujuh hari,
Copek jadi tujuh hari,
Sekarang sampai lah janji er,

Digaduh di gadahkan,
Dirisau di bisingkan,
Turun istano menjunjung titah,
Turun balai menjunjung sabdo,

Kok tilek dibayangkan,
Kok kato dah dijalankan,
Kata iyor katolah sudah,
Kato dijawab petanda rupa.

1 Syawal 1426, 10.26 pagi

* Di salin daripada atuk, Rahmat Bin Kamat. Gelaran Datuk Sakti. Pembuka bicara yang digunakan ketika bertandang untuk menghantar tanda atau cincin ke rumah bakal pengantin perempuan.